Құрметті достар!

Өздеріңізбен «МЕКТЕПКЕ ДАЙЫНДЫҚ» марафонының қалай өткені туралы ақпаратпен бөлісеміз. 

Біз осы кезеңге дейін жыл сайын республикалық ата-аналар конференцияларын өткіздік. Ал былтырғы жылдан бастап әр өңірде нақты бағытталған форматта марафондар ұйымдастырып келеміз. 

Негізгі мақсат: ата-аналардың тұрғылықты тұрып жатқан мекен-жайындағы сұрақтары мен ұсыныстарына сай өздерін, балаларын жаңа оқу жылына дайындау үшін біліммен және практикалық ақпараттармен қамтамасыз ету. 

Жалпы саны 1 300-ден аса ата-ана қамтылған іс-шараға - ата-аналар, білім беру қызметкерлері, жергілікті билік өкілдері, ата-аналар комитеттерінің жетекшілері және азаматтық қоғам белсенділері қатысты. 

Іс-шараның күн тәртібі мектеп пен ата-аналардың өзара іс-қимылына, олардың бірлескен жұмыс алгоритмдеріне, балаларды психологиялық даярлауға, суицидтің алдын алуға, буллинг пен кибербуллингке қарсы іс-қимыл шараларына, репродуктивті денсаулық пен тәрбиеге және т. б. маңызды мәселелерді талқылауға бағытталды.

Азаматтық жауапкершілікті сезіне отырып, саналы ата-ана мәдениетін бірге қалыптастырайық!