Семей қаласындағы №5 «Балдәурен» бөбекжайының ата-аналарына бірлестіктің Абай облыстық филиалының ұжымы «Отбасындағы дәстүр – ең үздік тәрбие» атты семинар-тренинг өткізді. Алдымен филиал басшысы Лунара Бекболатқызы бөбекжай ата-аналары мен ұжымына бірлестіктің миссиясын, міндетін таныстырды.
Семинар басталмас бұрын тәрбиешілер жиналған қонақтарға шағын концерттік бағдарламасын ұсынды.
Концерттік бағдарламадан кейін Лунара Бекболатқызы тәрбиенің ең тамаша мектебі – отбасы екеніне тоқталып, отбасы құндылықтары, қағидалары туралы сөз қозғады. Отбасындағы әке мен ана тәрбиесі - бала өмірінің айнасы, іргетасы. Олардың ойының, сөзінің, үлгісі - баланың өмірінде үлкен маңызды қолдау екендігіне ерекше тоқталды.
Адамзат баласына берілген жақсы тәрбие - бақытты кәрілік демекші отбасындағы бақыттың үлгісі-адамның саналы ғұмырындағы айнасы екені мәлім. Спикер ата-аналармен диалог орната отырып, көкейтесті ойлары мен сұрақтарына жауап берді. Тамаша көңіл-күймен рефлексия жасалды. Психолог В.Зайцева ата-аналармен психологиялық сараптама жүргізді.
Семинар-тренинг соңында ата-аналар өздерінің бала тәрбиесіндегі кемшін тұстарын айтып, семинар барысында алған жақсы тұстарында атап кетті.
