Бірлестіктің БҚО филиалының қызметкерлері Бәйтерек ауданы, Трекин ауылындағы орыс тілде оқытылатын мектептің ата-аналар жиналысына спикер ретінде шақырылып, «Эстетикалық тәрбие» тақырыбында семинар-тренинг өткізді.
Кездесуді мектеп директоры Райса Исанжанқызы Мамешова мектептің тарихын және ата-аналармен жұмыс жасауда бірлесіп жұмыс жасау бағыттары бойынша әңгімелесуден басталды.
Семинар-тренинг бағдарламасына сәйкес сөз алған өңірлік филиал қызметкерлері республикалық ата-аналар қоғамдық бірлестігінің мақсат-міндеттері мен жұмыс бағыттары туралы таныстырылым жасап, бірлестіктің мүшелігіне тіркелуді ұсынды. Филиал менеджері Айгуль Хайруллина семинар-тренинг тақырыбына сәйкес «Эстетикалық тәрбие» атты таныстырылым ұсынып, отбасының қоғамдағы рөлін арттыру, жалпыадамзаттық құндылықтарды насихаттау бағытында әңгімеледі.
