«Сенімен Болашақ» РҚБ Қостанай облыстық филиалы Автомобиль көлігі колледжінің ата-аналарына семинар ұйымдастырды.
Семинар барысында филиал психологы Базаркүл Қапарқызы «Отбасындағы зорлық-зомбылықтың алдын алу» тақырыбында сөз қозғады. Баланы тәрбиелеу, қоғамның сапалы мүшесі етіп өсіру ата-ананың ардақты борышы. «Әке көрген оқ жанар, шеше көрген тон пішер» демекші отбасында әке мен ананың өзіндік орны мен рөлі бар. Зорлық-зомбылықтың алдын алу үшін алдымен ата-аналардың назарын балаларға қамқорлық жасауға, баланың абыройы мен құқықтарын құрметтеуге аудару қажет. Базаркүл Қапарқызы қатысушыларды толғандырған сұрақтарға жауап берді.
Кері байланыс кезінде ойларын айтқан ата-аналар бала қандай жағдайға түссе де оны ашық әңгімеге тарту – кесе көлденең келген проблеманың алдын алады деген түйінмен тарқасты.
«Сенімен Болашақ» РҚБ баспасөз қызметі
