Senimen Quiz
Алғашқы онлайн-ойынның сәтті техникалық іске қосылуынан кейін жоба жаңа деңгейге көтерілуде. Пилоттық отбасылық квизге Қазақстанның әр өңірінен 12 команда қатысып, зияткерлік дода балалар мен ата-аналарды, тұтас отбасыларды бір алаңға біріктірді.
Қатысушыларды қызықты сұрақтар, сүйікті фильмдер мен кейіпкерлер, 90-жылдар атмосферасы, блиц-раундтар және жарқын эмоциялар күтті. Алғашқы ойынның дәл Қазақстандағы Отбасы күні өткенінің өзіндік мәні бар. Бұл күн отбасы бірлігі мен бірге өткізілетін уақыттың маңызын тағы бір мәрте еске салды.
Жеңімпаз атанған – Астана қаласының «7Я» командасы. Команданың атауы жобаның басты құндылығын – отбасын айқын бейнелейді.
Енді отбасылық онлайн-квиз әр отбасы өз білімін, логикасын және жылдамдығын жылы әрі достық атмосферада сынай алатын игі дәстүрге айналмақ.
Кешіңізді отбасыңызбен бірге көңілді, қызықты әрі әсерлі өткізіңіз!