Біз қалай көмектесеміз
Жадынама
Бақытты баланың тұлға болып қалыптасуына негіз болатын отбасылық құндылықтар
Отбасылық құндылықтар дегеніміз не?
Отбасылық құндылықтар – бұл отбасы ішіндегі қарым-қатынас мәдениеті, қалыптасқан қағидалар мен жылылыққа толы орта. Бала дәл осы құндылықтарды бойына сіңіріп, есейгенде өз өмірінің ажырамас бөлігіне айналдырады.
Отбасының негізгі құндылықтары:
Бір-бірін құрметтеу;
Қиын сәттерде қолдау көрсету;
Тыңдай білу және өзара түсіністікке келу;
Адалдық пен сенім;
Жақындарына қамқорлық жасау;
Отбасымен бірге сапалы уақыт өткізу;
Эмоциялық қауіпсіздік пен жайлы орта қалыптастыру.
Неліктен бұл маңызды?
Отбасы – бала үшін қарым-қатынастың алғашқы мектебі. Үйдегі атмосфера оның өзіне деген сенімін, эмоциялық саулығын және болашақта салауатты қарым-қатынас құра білу қабілетін қалыптастырады.
Баланың өзіне деген сенімін нығайтатын 7 сөз тіркесі
Неліктен бұл маңызды?
Балалар ата-анасының іс-әрекеттерін ғана емес, күн сайын еститін сөздерін де есте сақтайды. Қарапайым қолдау сөздері баланың өзін қауіпсіз сезінуіне, өзіне сенімді болуына және ата-анасының махаббатын сезінуіне көмектеседі.
Балаға жиі айтылатын маңызды сөздер:
• «Мен әрқашан сенің жаныңдамын.»
• «Маған бәрін ашық айта аласың.»
• «Қателесу – қалыпты нәрсе.»
• «Мен сені мақтан тұтамын.»
• «Менімен бөліскенің үшін рақмет.»
• «Мен сені бағаларың немесе жетістіктерің үшін емес, өзің үшін жақсы көремін.»
• «Кел, мұны бірге шешіп көрейік.»
Бұл балаға не береді?
Осындай сөздер баланың бойында:
• салауатты өзін-өзі бағалауды;
• ата-анаға деген сенімді;
• эмоционалдық тұрақтылықты;
• отбасындағы қауіпсіздік сезімін қалыптастырады.
САНАЛЫ АТА-АНАҒА АРНАЛҒАН ЖАДЫНАМА
Әр ата-ана баласы үшін бар жағдайды жасағысы келеді, баласының табысты, бақытты болғанын қалайды. «Сенімен Болашақтың» басты миссиясы да осында – әр ата-ана мен балаға қамқор бола отырып Қазақстандағы саналы ата-ана мәдениетін қалыптастыру.
