Сіздермен маңызды жаңалығымызды қуана бөлісеміз!
Әрбір ауқымды істің бастау алатын өз нүктесі болады.
Бүгін – біз үшін сондай ерекше күн! Біз психология мен әлеуметтануға арналған жаңа ауқымды жобамыз – «SANA 360» журналын жарыққа шығардық!
«SANA 360» – Адам мен Қоғам туралы мазмұнды әңгімеге арналған қоғамдық-ағартушылық кеңістік. Бұл – адамды оның барлық қырларымен, яғни 360 градус тұрғысынан қарастыратын көзқарас.
Әр шығарылымның өзегінде бір қарапайым, бірақ маңызды мәселе тұрады:
Адам және оның дамуы туралы ой бөлісу.
Біз үшін бұл – жай ғана журнал емес!
Бұл – саналы әрі жауапты азамат қалыптастыруға бағытталған миссиямыздың жалғасы. Сонымен қатар психология мен әлеуметтану саласындағы білімді, зерттеушілер мен сарапшылар қауымдастығын бір ортаға тоғыстырып, маңызды тақырыптарды кәсіби тұрғыда талқылауға мүмкіндік беретін жаңа алаң.
Адам мен қоғам туралы жаңа әңгіменің бастауы
Алғашқы шығарылым біз үшін ерекше маңызды. Себебі, бұл ай сайынғы журналдың дүниеге келуі ғана емес, адам мен қоғам туралы жаңа кезеңнің басталуы.
Олай болса, жаңа көзқарасқа бірге қадам басайық!
Сіздерге «SANA 360» журналының алғашқы шығарылымын қуана ұсынамыз!
