Бүгінгі жаһандану дәуірінде жас ұрпақ тәрбиесі – ең өзекті мәселердің біріне айналып отыр. Осы мәселенің шешілу жолын талқылайтын жиын Орал қаласындағы №41 мектеп-лицейде «Жанұя құндылығы» деген тақырыппен өтті. Оған Бірлестіктің Батыс Қазақстан облыстық филиалы да қатысты. Бірлестік психологы Құралай Шаймұратова «Буллинг және кибербуллинг» тақырыбында тренинг өткізіп, ата-аналарға жасөспірім кезеңіндегі баланың мінез-құлқы туралы түсіндіріп берді. Кездесуде білім беру мекемесінің басшысы міндетін атқарушы Иманиязова Гүлдана бүгінгі бала тәрбиесіндегі өзекті мәселелерді айта келіп, соны шешуге ықпалдасып жүрген бірлестікке алғысын білдірді. Ата-аналармен кездесу барысында бірлестіктің миссиясы, жұмыс бағыттары таныстырылып, қатысушылар тарапынан туындаған сауалдарға жауап берілді.
