«Зерделі ұлт» бағыты мемлекеттік деңгейде бекітілді!
Мемлекет басшысы Қ. Тоқаевтың 2026 жылғы 16 мамырдағы «Кітап оқу мәдениетін дамыту және зерделі ұлт қалыптастыру туралы» жаңа Жарлығы қоғам өміріндегі тарихи бетбұрыс болды. Бұл құжат — біздің ел үшін жай ғана заң емес, адам капиталын дамыту мен рухани қауіпсіздігіміздің басты кепілі.
Біз үшін ең үлкен қуаныш пен мақтаныш — бүгін мемлекеттік деңгейде қолға алынған бұл стратегиялық бағытты біздің бірлестік осыдан 5 жыл бұрын, яғни 2021 жылы бастап кеткен болатын.
Иә, сонау 2021 жылы қоғамда «цифрлық тәуелділік» пен «мәтін мәдениетінің төмендеуі» енді ғана талқылана бастағанда, біз саналы ата-ана болу, азаматтық жауапкершілік және ұлттық құндылықтарды насихаттау миссиясын қолға алдық. Бес жыл ішінде біздің атқарған жұмысымыз — бүгінгі мемлекеттік реформалардың тірі дәлелі іспетті:
Ұлттық код пен ағартушылық: Абайдың терең философиясы мен Алаш зиялыларының мемлекетшілдік идеяларын жасөспірімдердің тілінде, заманауи форматта сөйлеттік.
Рухани ізгілік: Балалар мен жастардың бойына кітап оқу мәдениетін сіңіре отырып, жүздеген отбасында «саналы тәрбие» мектебінің негізін қаладық.
Тірі алаңдар: Аймақтарда жастардың азаматтық позициясын қалыптастыратын интеллектуалды коворкинг форматындағы кездесулерді тұрақты жүргізіп келеміз.
Біз 2021 жылы кішкентай бастама болып шашыратқан ағартушылық дәндеріміз бүгін 2026 жылы мемлекеттің басты идеологиялық бағытына айналды. Саланың бұлай жоғары деңгейде бекітілуі — біздің таңдаған жолымыздың қаншалықты дұрыс әрі көреген болғанын көрсетті.
Жарлық аясында қабылданатын «Зерделі ұлт» тұжырымдамасы біздің бес жылдық тәжірибемізбен тіптен байи түспек. Біз бес жыл бұрын бастаған ісімізді енді мемлекеттік қолдаумен, жаңа серпінмен және зор жауапкершілікпен жалғастырамыз!
