Ұлт ұстазы (телевизионный проект)

Заманауи мұғалім: сезімталдық, жауапкершілік және сенім туралы жоба
Бұл жоба балалар мен жасөспірімдер үшін сезімтал, жауапты, түсіністік таныта білетін әрі шабыттандыратын тәлімгер ретінде заманауи педагогтің бейнесін қалыптастыруға бағытталған.
Бүгінде мұғалімнің рөлі тек білім берумен шектелмейді. Қазіргі мектепке оқушыны тыңдай алатын, қолдау көрсете білетін, сенімге негізделген қарым-қатынас орнататын және бала үшін маңызды тұлғаға айналатын педагогтер қажет.
Жоба аясында республикалық деңгейдегі сарапшылардың, педагогтердің, ата-аналардың және білім беру саласы өкілдерінің қатысуымен алты тақырыптық шығарылым дайындалды. Кездесулер барысында қатысушылар төмендегі мәселелерді талқылады:
• заманауи мұғалім қандай болуы керек;
• ата-аналар мен оқушылардың педагогтен күтетіні не;
• мектепте өзара құрметке негізделген қарым-қатынасты қалай қалыптастыруға болады;
• педагогтің эмоциялық сезімталдығы неге білім беру үдерісінің маңызды бөлігіне айналып отыр.
Жоба заманауи білім берудің құндылықтары, мұғалім тұлғасының рөлі және мектеп, отбасы мен қоғам арасындағы сенімді нығайтудың маңызы туралы ашық пікір алмасу алаңына айналды.
Біз құрмет, мейірімділік және жауапкершілік арқылы ғана болашақ ұрпақ үшін қауіпсіз, қолдаушы әрі сапалы білім беру ортасы қалыптасады деп сенеміз.