Мамандығым – мақтанышым (Кәсіби бағдарлау)

«Мамандығым – мақтанышым»: мамандық, болашақ және саналы таңдау туралы жоба
«Мамандығым – мақтанышым» жобасы Солтүстік Қазақстан облысының мектеп оқушыларына болашақ мамандығын саналы түрде таңдауға және табысты кәсіби жолын қалыптастыруға қолдау көрсетуге бағытталған.
Бүгінде жастар үшін мамандықты жай ғана таңдау жеткіліксіз. Олар өздерінің қабілеттерін, қызығушылықтарын және қазіргі еңбек нарығының нақты мүмкіндіктерін терең түсінуі қажет. Сондықтан жоба жасөспірімдерге өңірде сұранысқа ие мамандықтармен танысып, өз болашағының перспективаларын көруге мүмкіндік береді.
Жоба аясында 9-11-сынып оқушылары кәсіби бағдарлау тестілеуінен өтіп, тренингтерге, түрлі мамандық иелерімен кездесулерге, кәсіпорындарға экскурсияларға, пікірсайыс турнирлеріне және тәжірибелік сабақтарға қатысады.
Жоба барысында ата-аналарды балалардың кәсіби өзін-өзі айқындау үдерісіне тартуға ерекше назар аударылады. Осы мақсатта педагогтердің, жұмыс берушілердің және мемлекеттік органдар өкілдерінің қатысуымен арнайы тренингтер мен бірлескен фасилитациялық кездесулер өткізіледі.
Жобаның маңызды бағыттарының бірі – «Мамандықтар керуені». Бұл ауыл мектептеріне бағытталған көшпелі қолдау форматы болып табылады. Аталған бастама шалғай елді мекендердегі жасөспірімдердің кәсіби бағдар беру ақпаратына қол жеткізуіне және өз әлеуетін дамыту мүмкіндіктерін кеңейтуге ықпал етеді.
Жоба жастардың болашаққа деген сенімін нығайтуға, мамандық таңдауға саналы көзқарас қалыптастыруға және білім беру жүйесі мен өңірлік еңбек нарығының қажеттіліктері арасындағы байланысты күшейтуге бағытталған.
Біз саналы түрде таңдалған мамандық тек табыс көзі ғана емес, сонымен қатар мақтаныштың, кәсіби дамудың және жеке тұлғалық жетістіктің негізі болады деп сенеміз.