"Сенің болашағың" жас отбасылар мектебі

Саналы отбасы: құндылық, жауапкершілік және болашақ туралы жоба
Бұл жоба жастарды саналы отбасылық өмірге, жауапты ата-ана болуға және салауатты отбасылық қатынастарды қалыптастыруға дайындауға бағытталған.
Бүгінде жастар үшін тек білім алып, маман иесі болу жеткіліксіз, сонымен қатар берік, сыйластыққа негізделген және тұрақты қарым-қатынас орната білу де маңызды. Осыған байланысты жоба отбасы, неке, жауапкершілік және өмірлік құндылықтар туралы ашық диалог алаңына айналды.
Бағдарлама аясында қатысушылар отбасы психологиясының негіздерін, гендерлік коммуникация ерекшеліктерін, отбасылық этикет нормаларын, қаржылық және құқықтық сауаттылық негіздерін, сондай-ақ репродуктивтік денсаулық пен эмоционалдық жетілу мәселелерін меңгерді.
Әсіресе ресми некенің маңызына, толыққанды отбасының бала тәрбиесіндегі рөліне, жауапты ана мен әке болуға, сондай-ақ отбасы ішіндегі жанжалдарды сындарлы түрде шешу дағдыларына ерекше көңіл бөлінді.
Жоба жеке даму мен үйлесімді қарым-қатынас құруға қызығушылық танытқан жастарды, студенттерді және жас мамандарды біріктірді. Қатысушылар отбасын құруға саналы түрде қарауға және өмірлік қиындықтарды еңсеруге көмектесетін тәжірибелік білім мен құралдарға ие болды.
Қуатты қоғамның негізі – берік отбасы, ал саналы ата-ана болу – саналы таңдау мен ішкі парасаттылықтан басталады деп сенеміз.