Тазалық – өмір айнасы

Маңызды мәселе жайлы ашық диалог: жастардың репродуктивтік денсаулығына арналған жоба
Бұл жоба жасөспірімдердің, жастардың және ата-аналардың репродуктивтік және жыныстық денсаулық мәселелері бойынша білім деңгейін арттыруға, сондай-ақ АИТВ-инфекциясының, жыныстық жолмен берілетін инфекциялардың (ЖЖБИ) және жоспарланбаған жүктіліктің алдын алуға бағытталған.
Жобаның басты мақсаты – жасөспірімдер сұрауға қымсынатын, ал ересектер қалай дұрыс түсіндіруді білмейтін тақырыптарды ашық әрі шынайы талқылауға мүмкіндік беретін қауіпсіз орта қалыптастыру.
Жоба аясында білікті мамандардың – психологтардың, гинекологтардың және уролог-андрологтардың қатысуымен ақпараттық-ағартушылық дәрістер өткізілді. Қатысушылар ғылыми негізделген ақпарат алып, өздерін толғандырған маңызды сұрақтарға жауаптар мен физикалық және психологиялық денсаулықты сақтауға қатысты тәжірибелік ұсынымдарға ие болды.
Жоба барысында ата-аналармен жұмыс істеуге баса көңіл бөлінді. Біз ересектерге балаларымен сенімді қарым-қатынас орнатуға, сондай-ақ отбасы аясында уақытылы әрі дұрыс жыныстық ағартудың маңызын түсінуге көмектестік.
Жоба білім беру ұйымдарының, медицина мамандарының және мемлекеттік мекемелердің үлкен қызығушылығын тудырды. Бұл жастардың денсаулығы, қауіпсіздігі және жауапкершілігі мәселелері бойынша ашық диалог жүргізудің өзектілігі мен қоғамдық маңызын тағы бір мәрте дәлелдеді.